عزيمة بش متل كل العزايم !!!

بتعرف تعمل طيارة قصب ؟ من هادي لكانو يطيّروها من زمان …
1 – أجا بتعرف , لاقينا ع المطار عنّا ورشة … هومي بالنادي الثقافي , مايروحشي فكرك لبعيد !!!
تعتلشي همّ , كلّو موجود : القصبات , الوراقات والخيطانات والطحينات . المهم إنتي تيجي وبس .
ليك ! تنساشي تجيب سكينتك الطيّبة معك … لح تعوزا .
2 – وأجا بتعرفشي , شو بدّا ليش ؟ بدّاشي شي , كل طيّرجِيّة برجا رح بيكونو موجودين معنا , بيساعدوك .
وان كنت بتعرف أو لأ , حزير ليش كل ع الهمروجة ؟
لك إنتي تعا التلاتا الجايا بـ 19 حزيران ع الساعة خمسة ونص ونحنا منقلّك … يلاّ هيّي حالك .

طيري ياطيارة طيري يا ورق وخيطان