كتبت عبير المولى : مشهد ما عم يغيب عن بالي …
إذا بدك تشوف ضيعتك قديش نسبة السموم يلي فيها … لازم تقصد مكان يخليك تشوفها بوضوح ومن نقطة أعلى (يعني مكان يكون أعلى منها عن سطح البحر) ..
فيك مثلاً من سبلين (مستشفى سبلين) ، أكيد عندك حدا مريض فيها !
إذا ما كان أحد أقربائك فأكيد إذا قصدتها ح تلاقي فيها كتار من أهل ضيعتك .
زورها , والأفضل بالليل حتى تشوف منظر بخوف وبخلّيك تشوف صحتك كيف ح تكون لكم سنة لقدام ….
ليش مستشفى سبلين ؟
أول شي وقبل ما تطل على برجا بيكفي إنك تقعد للحظات بقاعة الإنتظار … ووقتها عِدْ كم حالة حتتلاقى فيهم (فيروس كريب على أنواعو وغالبيتهم أطفال . إلتهاب رئوي . سكتات قلبية . جلطات دماغية . سرطان متفشي وفي آخر مراحله ….
حالات وحالات بتخليك تقول ” الحمدالله ما في شي أغلى من الصحة ” .
بعد ما يسوّد قلبك من هالحالات يلي عم تشوفها وتواسي المريض وأهلو ، فيك تطلع على ساحة المستشفى وتطل على برجا …
أول شي نظرك حيشوف برجا من دون ما تطلع بالسما وحتقول ” إشتقتلك يا ضيعتي ” .
وبعدين في شي حيخليك تفيق من هالحلم عكابوس أبيض وأسود .
صحيح كابوس بالأبيض والأسود , بس حقيقة وحقيقة مرة .
برجا ع جنوبها معمل سبلين وغيومو البيضا وع غربها معمل كهربا الجية وغيومو السودا .
والحكي مش متل الشوفه !
كأنهم عم يتخانقوا مين بدو يعبي السما سموم أكثر .
والبرجاوي كيف ما تنفس كانت حصتو كبيرة ” سم أسود وسم أبيض ” عم يدخلوا رواياه وهو ساكت ناطر حتى يستحوا هالغيوم ويخافوا الله ويكتفوا بجرايم الموت يلي معلقة برقبتهم …
ولكن مهما كتر عدد ضحاياهم فالأمر يبقى على ما هو عليه حتى تنفد آخر روح قريبة منهم …..
ببرجا اليوم وإذا بدكم تعملوا إحصاء عند عدد حالات المرضى بالسرطان .
أكيد النتيجة ح نتفاجأ فيها …. عكمية السموم يلي عم نتنفسها .
النتيجة من الطبيعي تكون 40% يلي عم يعانوا من هالمرض .
أما ال60% فهم ليسوا أصحاء ولكن مازال المرض مختبئ وبعد كم سنة سيظهر .
هالمرض كل يوم بخلينا نودّع ناس (توفوا بسببه) ويأتي مكانهم آخرون ظنوا أنهم سيبقوا أصحاء …
من وين بدها تجي الصحة وسموم عم تسرح وتمرح بسمانا وبصدورنا وما من حسيب ولا رقيب ؟
من المسؤول عن إبقاء هذه السموم على قيد الحياة ووضعنا نحن على قائمة المرضى والمتوفين ؟؟..
ألا يتنفسوا السموم التي نتنفسها نحن !!
أم أن الهواء النظيف يأتيهم بزجاجات معقمة صالحة للتنفس !!
نريد السماء التي خلقها الله … بلونها الناقي خالية من سموم بيضاء وسوداء … نريد هواء صالح للتنفس .
اعطوهم 4 او 5 ملايين من وزارة المهجرين بيكفوا حتى يتحكموا فيهم
وتلك الايام نداولها بين الناس
حلوة..تعبير مميز بإسلوب بسيط عن موضوع خطير..
ان شالله صوتك الرقيق يا عبير يوصل للقلوب المتحجرة..
كتبتي عن معاناة للأسف لم نجد إلى اليوم من يعيننا على التخلص منها ربما السبب هو في تقاعصنا كأبناء الإقليم عامة وأبناء برجا خاصة ذلك لأنني أرى بأننا ربما قد استسلمنا للواقع الذي نعيش فيه والغالبية أصبح يردد شعار ” شو طالع بالإيد ” لو أننا حقاً نتكاتف وننتفض على هذا الواقع شوف نحدث تغيير ما
عن عبد الله ابن عمر رضي الله عنهما قال ,قال رسول الله صلى الله عليه وسلم”يد الله مع الجماعة” رواه البخاري
يوم سقطت بناية الاشرفية قامت الدنيا ولم تقعد بسبب الاهمال وتسابق المسؤولون على الظهور في ساحة الحدث وفي مآتم الموتى وعلى الاذاعات والشاشات المتلفزة ومن مات مع حزننا الكبير عليهم سبعة وعشرين شخص
وقد غاب عن بال المسؤولين ان العددالذي يموت نتيجة التلوث وحوادث السير واهمال المستشفيات ووووووو هو اضعاف مضاعفة لمن مات ويموت بسبب سقوط بناية ومع ذلك لم ولن تشاهد احد منهم يثير نفس الضجة وكان الموت اصبح صنفان صنف عادي رغم قساوته وصنف غير عادي رغم انه عادي …………………………………… عجبي