برجا الآنمن جراب الأمس

ميّتك من وادي عمرين

كتب الشيخ جمال بشاشة : بيتنا بحارة العين بالضيعة كان ع طرف وادي عمرين .
وفي وادي تحت منّا ع رمية حجر , كانو بيقولولو : وادي زوين .
كتار يمكن منكن بيسمعو وسمعو عنن تنينتن .
هالمطرحين نشهرو ببرجا من زمان , لأنو نيابيع الميّ فيهن مما فتح ألله ورزق !
من هوميكي كانت نسوان الضيعة تملّي لبيوتها من الحاووز .
مين فينا ما بيتذكرشي حالو بين إيدين إمو وهيّا ع تدلق عليه الميّات وتدعيلو حتى تنسّيه حرقة صابون الزيت بعيونو وهوّا شهقان من البِكا :
ميّتك من وادي عمرين … يحرسك رب العالمين .
ميّتك من وادي زوين … يحرسك الحسن والحسين .
كيف بدّو الواحد منّا ينسى ؟
إشيا كتيرة مننساها ! بس مابنساشي أنا وبحضنها هيّا وع تغنيلي ” ياريتني طير لاطير حواليك , مطرح ماتروح عيوني عليك ” .
كل ما برجع بسمع هالطقطوقة اليوم , ومن بعد مابرم دولاب العمر , بترجع بتسفّرني ع حارة العين , ع الحارة يلي ماعادشي فيها حدا ….

مقالات ذات صلة

تعليق واحد

  1. ارجو من الشيخ جمال بشاشة ان يتقدم من خطيب مسجد ابو بكر الصديق في المرفأ باسمي واسم كل شخص يحافظ على اهل السنة والجماعة بالشكر من خطيب الجمعة اليوم 2011-12-2 وادعو باسمي واسم اللذين يحافظون على اهل النسة والجماعة ان يوعوا الناس الى ان هناك حرب فارسية علينا ،واشكره الى التطرق في الخطبته على افتراءات على اهل السنة والجماعة في استشهاد سيدنا الحسين عليه السلام ، وادعوا دار الفتوى لجمع كلمة اهل السنة والجماعة لخدمة الدين الاسلامي والدفاع عن اصحاب الرسول وزوجاته وخاصة السيدة عائشة والسيدة حفصة والوفوق في وجه الرفضة واهل التقية والفارسية الحاقدة على اهل السنة والجماعة كما ادعوا الى عقد ندوات لتعرف على سيرة رسول الله وال واصحابه لشمل اهل السنة والجماعة وتوحيد كلمة على لا اله الا الله محمد رسول الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى